Минг квадрат метрни забт этган замонавий санъат

2010-08-16

500 нафарга яқин томошабин 16 август куни Ёшлар ижод саройида икки йилда бир маротьаба Фонд Форум ва Ўзбекистон Бадиий академияси томонидан ўтказиладиган “Навқирон Ўзбекистон” анъанавий ва замонавий санъат фестивали очилиш маросимига ташриф буюришди. Лойиҳанинг асосий мақсадиёш рассомлар ва амалий санъат усталарини кашф қилиш ҳамда қўллаб-қувватлашдир. Бу йили Фестиваль Ташкилий қўмитасига 300 дан ортиқ ариза келиб тушди. Экспозициядан эса 1000 дан ортиқ асарлар қўйилди.

Экспозиция 4 та бўлимга ажратилди: меъморий лойиҳалар, безакчи амалий санъат, либос дизайни ва тасвирий ҳамда замонавий санъат.

Биринчи бўлимда турли йўналишдаги қатор меморий лойиҳалар жойлаштирилган. Улар орасида: эртакнамо қаср кўринишидаги болалар ўйинчоқлари дўкони, замонавий кинотеатр, шакли денгиз скатини эслатиб юборувчи сув майдони, замонавий санъат кўргазма зали, ёшлар парки лойиҳаси, экологик марказ ҳамда футуристик Хоразмга бағишланган асарлар ва бошқалар бор.

Иккинчи бўлим Ўзбекистонни бутун дунёга танитган санъат туридан иборат бўлиб, Бу – ёшлар нигоҳидаги безакли амалий санъат. Риштонга хос мовий ранг сопол идишлар, турли кўринишдаги лакли миниатюра, фарғонача кандакорлик, ўйиб ишланган ёғоч ғаладонлар, қуритилган қовоқ, иплардан ишланган картинкалар, тошкентлик ва андижонлик заргарларнинг асарлари, бухороча зарбоплик, оқ-қора ва рангли сўзана ва палаклар, айнага чизилган ёрқин суратлар ҳамда 2 та сопол булоқча ушбу бўлимдан жой олган.

Учинчи бўлим – бу ҳақиқий либослар бали десак ҳам бўлади. “Темурий маликалар”, “Баҳор”, “Бухоро гуллари”, “Шарқ нафаси”, “Бошқордистон афсоналари”, “Мўғуллар миллий либоси”, “Тумор” ва бошқа тўпламлардаги ўнлаб либоалар. Бу ерда маликалар, тули ёшдаги аёллар, ёрқин, ҳаёт барқ уриб турувчи Сурхондарё либослари, “Сафари” тўпламидаги ковбойлар кийимлари, ЭКО тўпламидаги ҳиндуларнинг патлар билан безатилган антиқи либосларигача бисёр.

Тасвирий ва замонавий санъат – кўргазманинг тўртинчи бўлими – Ёшлар ижодиёти саройининг бутун иккинчи қаватини эгаллаган Дворца ва энг кўпсонли томошабинларни ўзга жалб этди. Одам бўйи келадиган қаламни кўрганмисиз? Эълонлар жойлаштирилган ўрмонничи? Ипдан ишланган одамларни ўзига сиғдирган ер шариничи? Пуштиранг оро бериш хонаси ҳам ўзгача. Улкан сичқон қопқони эса қор одамни ҳам тута олади. Эски видеокассеталардан ишланган кўприкни кўриб ҳайратингиз ошади. “Оқ рангни англаш” инсталляцияси эса улкан арча ўйинчоғини эслатади. Ўзбек маданияти рамзлари – дўппи, сўзана, пиёла оқ қумга жойлаштирилган. Театр пьесалари учун ишланган макетлар ўйинчоқ уйчаларни эслатади. Пластикдан ишланган Тошкент манзаралари. Металга тўқилган гуллар. Бир хонанинг хажмидек келадиган совғадоннинг эса бантини ечиб, ичида қандай совға борлигини кўргинг келади. Бу барча экспонатлар кўплаб меҳмонларни ўзига жалб этди.

Бундан ташқари, фото санъати, графика, рассомлик, ҳайкалтарошлик, перфоманс асарлари мавжуд бўлиб, шунингдек, видеороликларни намойиш қилиш учун экран ўрнатилган, роликлар мавзуси эса ранг-баранг ва долзарбдир.

Ҳар бир иш, ҳар бир ижодий ғоянинг моҳияти ва мантиқини кузатиб, бу ерда кўп мазмунли вақт ўтказиш мумкин. «Навқирон Ўзбекистон» фестивали - бу ёш усталар ва асрларга татигулик анъаналар, замонавий қарашлар ва тарихий қадриятлар учрашадиган майдондир.

«Навқирон Ўзбекистон» фестивали ғолибларини тақдирлаш маросими - 2010 йил 23 августда соат 18.00 да Ёшлар ижод саройида ўтказилади.

Кўргазма 16 сентябргача давом этади. Кўргазмага кириш бепул.