Грантлар

Таълим грантлари дастури

Таълим грантлари дастури 2005 йилдан буён ўтказилмоқда. Дастур доирасида саралаш босқичидан ўтган биринчи босқич талабаларига бир йил мобайнида олий ўқув юртида шартнома пули тўлаш учун грантлар ажратилиб, иштирокчиларнинг фаоллиги ва ўқишдаги ютуқлари инобатга олинган ҳолда грант навбатдаги ўқув йилларига ҳам чўздирилиши мумкин. Ғолиблар сони йилдан-йилга ортиб бормоқда. Ҳаммаси бўлиб 2005 йилдан буён 612 нафар талаба мазкур лойиҳанинг ғолибларига айланишган, уларнинг 314 нафарига эса бепул таҳсил олиш муддати чўздирилган. Дастур эълон қилинганидан бери эса унда 9700 нафардан ортиқ абитуриент иштирок этган.

Иқтидорли талабалар учун стипендиялар дастури

Дастур доирасида ҳар йили мамлакатимиз олий ўқув юртиларида таҳсил олаётган иқтидорли 3-4 босқич талабаларига стипендиялар ажратилади. Шу тариқа танловдан муваффақиятли ўтган иштирокчиларга бир йил давомида ҳар ойда қўшимча равишда стипендия тўлаб борилади. Стипендиялар навбатдаги йилга чўздирилиши мумкин. Бу лойиҳада иштирок этиш истагини билдираётганлар сони йилдан-йилга кўпайиб бормоқда. 2006 йилдан бери мазкур лойиҳада 7100дан ортиқ талаба иштирок этган бўлиб, уларнинг 617 нафари ғолибликка эришган. 117 нафат талабага стипендия тўлаш муддати узайтирилган.

Спорт грантлари дастури

Дастурга 2007 йилнинг апрель ойида асос солинган. Форум жамғармаси томонидан махсус маблағ фонди тузилган бўлиб, ҳар чоракда ундан умидли ёш спортчиларга грантлар ажратилади. Спорт грантлари ғолиблари мамлакатимизнинг барча ҳудудларида спорт турлари бўйича қобилиятли спортчиларни мунтазам равишда саралаб олиш асосида аниқланади. Айниқса, республика ва халқаро даражада эндигина ўз унвонларини қўлга кирита бошлаган ёш спортчиларга алоҳида эътибор қаратилади. 2007 йилнинг март ойидан буён 215 нафарга яқин ёш спортчилар спортнинг турли йўналишлари бўйича грантларни қўлга киритишган. 2007 йилнинг март ойида шу лойиҳа доирасида Тошкент шаҳрида “Чемпионлар форуми” спорт мажмуаси очилган, у ерда етакчи мураббийлар ёш спортчилар билан машғулотлар олиб боришади.

Педагогик грантлар дастури

Дастур 2006 йилдан бери ўтказилмоқда. Педагогик грантлар дастурининг мақсади эса педагогик фаолиятни янада ривожлантириш учун ҳисса қўшиш, таълим бериш услуб ва усулларини мукаммаллаштириш, шунингдек ижодий изланишларга туртки бериш, халқ таълими тизими педагогларини ойлик ва бир маротабалик грантлар бериш орқали моддий жиҳатдан қўллаб-қувватлашдан иборат.

Грантлар қуйидаги йўналишлар бўйича тақдим этилади:

• биринчи йўналиш – халқ таълими тизими педагоглари (умумтаълим мактаблари);
• иккинчи йўналиш – ўрта махсус ва олий ўқув юртлари ўқитувчилари (академик лицейлар, коллеж, олий ўқув юртлари);
• учинчи йўналиш – илмий тадқиқотчилар (аспирантлар, изланувчилар, докторантлар) ва илмий ишлар билан шуғулланаётган олий таълим жамоаси вакиллари (кафедра мудирлари, деканлар, проректорлар).

Анъанавий ҳунармандчиликни ривожлантириш учун грантлар

«Bazar-Art» лойиҳаси доирасида Фонд Форум ва «Меҳр нури» жамғармаси кўргазма лауреатларига айланган ҳунармандларга грантлар ажратилди. Грантлар амалий санъатни ривожлантириш, ҳунармандликнинг йўқолиб бораётган турларини ва мамлакатимиз санъатининг анъанавий шаклларини қайта тиклашдир.

Ўзбекистондаги ҳудудий нодавлат нотижорат ташкилотларнинг ижтимоий аҳамиятли лойиҳаларини қўллаб-қувватлаш грант дастури

2010 йилнинг бошида Фонд Форум ва Ижтимоий ташаббусларни қўллаб-қувватлаш фонди (ИТҚҚФ) томонидан ташкил этилган «Ўзбекистондаги ҳудудий ННТларнинг ижтимоий аҳамиятли лойиҳаларини қўллаб-қувватлаш грант дастури» Ўзбекистоннинг ҳудудий ННТлари ташаббуси билан ташкил этилган ижтимоий аҳамиятга молик лойиҳаларни молиявий жиҳатдан қўллаб-қувватлашга қаратилган.

Батафсил

Ёш тадбиркорларни қўллаб-қувватлаш дастури

2008 йилдан бошлаб анъанавий тарзда Фонд Форум қошидаги “Келажак овози” ёшлар ташаббуслари маркази томонидан Ижтимоий ташаббусларни қўллаб-қувватлаш фонди, Британия кенгашининг мамлакатимиздаги ваколатхонаси, Савдо-саноат палатаси ва “Микрокредитбанк” билан ҳамкорликда ўтказиб келинади. Дастур ёшларни кичик бизнесга жалб қилиш, эндигина иш бошлаётган ёш тадбиркорларга методологик ва молиявий кўмак кўрсатишга қаратилган. Дастур битирувчиларини қўллаб-қувватлаш мақсадида 2010 йилдан эътиборан (тақдим этилган молиявий ҳисоботлар таҳлилига мувофиқ) Фонд Форумнинг махсус грантлари ажратиладиган бўлди.

“Ижтимоий cоҳа вакилларини қўллаб-қувватлаш учун муқобил энергия манбалари”

Лойиҳаси қуёш ва шамол энергияси асосида ишловчи фермер хўжаликлари ҳамда бошқа кичик ижтимоий объектларда модуль тизимларини ўрнатиш орқали муқобил энергия манбаларидан фойдаланишни кенг жорий этишга қаратилган янги ташаббусдир.

Батафсил