“Ҳаёт учун!” кўкрак бези саратони миллий уюшмаси

2010 йилнинг февраль ойида ташкил топган.

“Аёллар кенгаши” РЖБ, “Ҳаёт учун!” аёллар ҳамжамияти, «EUROPA DONNA-Uzbekistan», Соғлиқни сақлаш вазирлиги, Ижтимоий ташаббусларни ҳимоя қилиш фонди (ИТҚҚФ) томонидан ташкил этилган “Кўкрак бези саратони ва бошқа онкологик касалликларнини даъволашда саъй-ҳаракатларни бирлаштириш” давра суҳбати чоғида қабул қилинган Кўкрак бези саратонини профилактика қилиш, барвақт аниқлаш ва даволаш ҳамда КБС билан хасталанган аёлларни реабилитация қилиш дастури доирасида ташкил этилган.

Уюшманинг мақсади – мутахассислар ва жамоатчилик вакиллари саъй-ҳаракатлари билан аёллар репродуктив тизимининг кўкрак бези саратони ва бошқа онкологик касалликларни олдиндан аниқлаш, ташҳис қилиш ва даволаш имкониятларини кенгайтириш, ижтимоий-тиббий ва руҳий реабилитация қилишни яхшилаш, шунингдек, уюшма аъзолари фаолиятини йўналтириш, уюшма фаолиятини ушбу йўналишдаги лойиҳа ва дастурларини амалга оширишда уларнинг умумий манфаатларини тақдим этиш ва химоя қилиш.

Уюшма фаолиятининг асосий йўналишлари:

Профессионал бирлашиш:

• Онкология ва маммология соҳасидаги мутахассислар кучларини бирлаштириш;
• Халқаро профессионал ва гуманитар алоқаларни ривожлантириш;
• Маҳаллий мутахассисларнинг профессионал даражасини юксалтириш, онкология ва маммология соҳасидаги замонавий ўзгаришлар ва янгиликлар билан таништириш (амалий ва илмий конференциялар, давра суҳбатлари, форумлар, маҳорат дарслари ва бошқалар.);
• Аёллар онкологиясини даволашга қаратилган ижтимоий, профессинал ва илмий лойиҳалар, дастурларни амалга ошириш.

Аҳоли билан ишлаш:

• Республиканинг барча ҳудудларида истиқомат қилувчи аёллардаги КБС касаллигини профилактика қилиш ва барвақт аниқлаш мақсадида онкология ва маммология соҳасидаги маҳаллий ва хорижий мутахассислар иштирокида ижтьимоий акциялар ўтказиш;
• Аёлларда кўкрак бези саратони касаллиги ва бошқа онкологик касалликларни профилактика қилиш, барвақт аниқлаш ва даволаш масалаларида аҳолининг саводхонлигини ошириш.

КБС ташхиси қўйилган аёлларни қўллаб-қувватлаш:

• Операциядан кейинги даврда тиббий ва ижтимоий реабилитация қилиш;
• Бепул ёки пулли асосда тиббий дори воситалари билан таъминлаш учун шарт-шароитлар яратиш;
• Мижозларга адвокатлик хизматини кўрсатиш: кўкрак бези саратони ва туғиш тизимининг бошқа онкологик касалликлар ташҳиси қўйилган аёллар ҳуқуқ ва манфаатларини ҳимоя қилиш;
• Психолог ва маммологлар маслаҳатларини ўтказиш.

Инфратузилмани яхшилаш:

• Операцияни бошдан кечирган аёллар (эндропротез, экзопротез, махсус кийим ва бошқалар) учун махсус маҳсулотлар ишлаб чиқишни йўлга қўйишга кўмаклашиш;
• Аёллар онкологик касалликларини даволаш соҳасидаги дваолаш профилактика муассасаларининг моддий техник базаларини яхшилашга кўмаклашиш;
• Тиббий муассасаларнинг етакчи тиббий ва биологик технологиялар билан таъминлашишига кўмаклашиш.