«Келажак овози» ёшлар ташаббуслари маркази

2006 йилнинг март ойида ташкил топган.

«Келажак овози» ёшлар ташаббуслари маркази ўз бағрига Фонд Форумнинг бир қанча ёшлар лойиҳалари ғолиблари ва иштирокчиларини бирлаштирган, хусусан, у Таълим грантлари дастури, Иқтидорли талабалар учун стипендиялар дастури, шунингдек, Ўзбекистон ёшларининг Яна бир йирик лойиҳаси — “Келажак овози” иқтидорли ёшлар танлови лауреатлари киради.

Марказ фаол ёшлар томонидан ишлаб чиқилган алоҳида йўналишлар бўйича иш олиб боради:

• таълим;
• маданият ва санъат;
• ёшлар матбуот маркази;
• ёшлар ташаббусларини қўллаб-қувватлаш;
• интеллектуал клублар ассоциацияси;
• ахборот технологиялари;
• таржимонлар клуби.

2007 йилнинг апрель ойида Тошкентда ЁТМ Ресурс маркази фаолият бошлаган бўлиб, унда сўнгги бадиий ва илмий адабиётлар тўпланган шинам кутубхона, талабалар учун интернет зал бор. Бу ерда ёшларга мўлжалланган қизиқарли тадбирлар, кенгқамровли акциялар ҳамда ЁТМнинг кунлик фаолияти учун зарур барча шарт-шароитлар яратилган.

2008 йилдан ётм қошида қатор лойиҳалар очилган бўлиб, улар орасида:

• «Келажак - Тур» халкаро ёшлар туризми ва ҳамкорлик бюроси;
• Ёш тадбиркорлар мактаби;
• «Kelajak Lingvo» тил маркази;
• Ёшларни иш билан таьминлашга кўмаклашиш маркази;
• «Келажак овози» ёшлар телестудияси;
• «Келажак овози» газетаси;
• Фонд Форумнинг ёш битирувчилар клуби;
• Инновацион ғоялар маркази.

Ёшлар ташаббуслари марказлари бўлимлари Ўзбекистоннинг барча вилоятларида мавжуд бўлиб, улар 5 минг нафар фаол ўғил-қизларни бирлаштиради. “Келажак овози” ЁТМ ёшлар форумлари ва видео анжуманлар, ўқув лагерлари, йўналишлар бўйича семинарлар ва тренинглар, Тошкент ва вилоятларда ёшларбоп ижтимоий акциялар ва бошқа қизиқарли лойҳа ва тадбирларни мунтазам равишда ўтказиб келади.

«Келажак овози» ёшлар ташаббуслари маркази
Манзил: Тошкент ш., 100078, Мустақиллик кўчаси, 2-уй
Тел.: (+998 71) 233 78 10,
Факс: (+998 71) 233 26 91
E-mail: markaz@kelajakovozi.uz

«Келажак овози» ЁТМ ўқув маркази
Манзил: Тошкент ш, 100011, Пахтакор кўчаси, 3-уй
Тел/факс.: (+998 71) 241 08 83
Тел.: (+998 71) 241 05 56

«Келажак овози» ЁТМ Ресурс маркази
Манзил: Тошкент ш, Собир-Раҳимов тумани, «Ёшлик» талабалар шаҳарчаси
Тел.: (+998 71) 246 71 98