Oylik muvaffaqiyatli o`tdi

Poytaxtimizdagi Yapon bog`ida "O`zbekiston madaniyati va san`ati forumi" jamg`armasi, "Ayollar kengashi" Respublika jamoat birlashmasi va "Mehr nuri" jamg`armasi hamkorligida Xalqaro bolalarni himoya qilish kuniga bag`ishlangan turkum tadbirlar oyligining o`ziga xos yakuni sifatida bolalar uchun xayriya tadbiri o`tkazildi.

Bolalarning huquq va manfaatlarini himoya qilish, ularning sog`lom va barkamol insonlar bo`lib voyaga yetishi uchun yaqindan ko`maklashish, ijodiy-intellektual salohiyati to`la yuzaga chiqishi uchun barcha sharoit va imkoniyatlarni yaratish "O`zbekiston madaniyati va san`ati forumi" jamg`armasi faoliyatida ustuvor o`rin tutadi, deb xabar beradi O`zA.

Xalqaro bolalarni himoya qilish kuniga bag`ishlangan oylik mobaynida Toshkent va Samarqand shaharlarida "Vatanimiz tarixi" mavzuida xayriya aksiyasi bo`lib o`tdi. Bolalarni tariximiz, qadimiy me`moriy obidalar bilan yaqindan tanishtirish maqsadida diqqatga sazovor joylarga ekskursiyalar tashkil etildi. Ayni paytda Mehribonlik uylarining tarbiyalanuvchilari, kam ta`minlangan, ijtimoiy himoyaga muhtoj oilalarning o`g`il-qizlari uchun sirk san`ati ustalari ishtirokida musiqiy dasturlar, konsertlar, yosh ijodkorlar asarlari ko`rgazmalari, sport musobaqalari, intellektual bellashuvlar o`tkazildi.

Xayriya tadbirida san`at ustalari va ijrochi yoshlar, bolalar badiiy jamoalari ishtirokida konsert namoyish etildi.

Манба: http://culture.uzreport.com/news.cgi?lan=u&id=77677